Uhusiano wa akili na Roho

AKILI NA ROHO (SEHEMU ~I)

Bwana Yesu asifiwe wapendwa!!!

Tunakukaribisha katika kufuatilia mfululizo huu wa somo la akili na Roho, ambalo tumesimamia neno kutoka 1Kor 14:15

"Imekuwaje, basi? Nitaomba kwa roho, tena nitaomba kwa akili pia; nitaimba kwa roho, tena nitaimba kwa akili pia."

���� Wakristo wengi tunachanganya nafasi ya roho na akili katika kufanya maamuzi au kung'amua mambo.

���� Na wengine wamefika hatua wanafikiri kufanya maamuzi kwa kutumia akili zao watakuwa wamemkufuru Roho mtakatifu.

���� Wapo wanaousimamia mpaka mistari ya Biblia kuzifisha akili zao, mstari wanaopenda kuutumia ni huu unaosema

Mtumaini Bwana kwa Moyo wako wote wala usitegemee akili zako mwenyewe. Mithali 3:5.

Hii ni tafsiri mbaya ya neno la Mungu inayowafanya wengi wawe maskini mwilini na rohoni.

Katika mstari huu neno la Mungu halituambii tusitumie akili zetu, bali linatuasa tusitegemee akili zetu WENYEWE, Hii ina maana tusiegemee katika kutumia akili TU,

Bali baada ya kumtumaini Bwana KATIKA AKILI zetu tunahitaji pia kumtumaini kwa Moyo.

Tafsiri ya Neno KWA MOYO ni kutoka ndani hii inamaana kutumaini Bwana kwa kumaanisha. Biblia inatuambia moyo ndiko chemichemi za uzima zinakotoka hivyo ukimtumaini Mungu kwa moyo hakuna kitakacho kutoa katika tumaini hilo hata mwisho.

Mtu asiemtumaini Mungu kwa moyo wake wote ni mbabaishaji au muigizaji neno  watu hawa wananiheshimu kwa midomo lakini Mioyo yao iko mbali nami.

Mungu anataka mioyo yetu tuisogeze kwakwe kila tunachokifanya tukifanye kwa moyo.

Hivyo umtumaini Bwana kwa si kwa akili yako au uelewa wako mwenyewe bali umtumaini kutoka ndani ya Moyo.

Neno linatuambia;  
Nawe mpende Bwana Mungu wako kwa moyo wako wote, kwa roho yako yote, KWA AKILI ZAKO ZOTE ‘na’ kwa nguvu zako zote.’ Marko 12:30

Kila jambo lililotajwa hapo juu lina umuhimu wake, na uzito wake ndio maana ametumia kiunganishi ‘na’  hajatumia ‘au’ ambayo inakupa option yaani kuchagua.

Hivyo ni lazima utumie nguvu, roho, akili na Moyo.

Kumpenda Mungu kwa nguvu inamaanisha kujitoa kwa ajili ya Bwana kwa muda na mali yako.

↩  KWENYE KIINI CHETU CHA SOMO

AKILI ni nini?

Ni uwezo wa kung'amua jambo/ kitu fulani, ni uwezo wa kuwa na ujuzi na kitu/jambo flani,
 
Kuna aina kadhaa za akili,

�� Akili za kuzaliwa,

Hizi ni akili ambazo kila mtu anazo, kila mtu anazaliwa na akili ambazo zinamsaidia yeye kujua mambo mbalimbali pasipo kugundishwa na mtu. Kila mtu amejaliwa akili hizi tofauti ipo katika kuzitumia tu.

Uvivu wa kufikiri na kukubali kuongozwa na akili ya mtu mwingine au kuiga iga ndo kinafanya watu wengine waonekane wamependelewa. Mfano Wazungu

�� Akili za darasani,

Hizi zinapatikana kwa kuongezewa maarifa na mtu mwingine, akili hizi mara nyingi tunazipata ili zitusaidie kuweza kupata mambo fulani/kufika viwango fulani, inabidi uingie darasani na awepo mtu wa kukufundisha/kakuongezea ujuzi/akili.

Wengi hawafanikiwa pamoja na kuwa elimu za darasani, moja ya sababu kubwa ni Upumbavu.

Upumbavu maana yake kuwa na  maarifa na kushindwa kuyatumia kwa upuuzi. Hii ni tofauti na ujinga ambapo ujinga ni kukosa maarifa.

�� Akili za maisha,

Huu ni ujuzi ambao unaupata kutokana na mazingira yanayokuzunguka, maisha tunayoyaishi  yamekuwa yakifufundisha vitu vingi sana, na ndio maana kuna watu hawajawai kwenda shule au wameishia viwango vya chini vya elimu  lakini wamefanikiwa, ni kwa sababu ya akili ya maisha ambayo wameipata katika mazingira yanayowazunguka, wana uzoefu na mambo mengi tofauti na mtu ambaye emeenda shule.

Ni muhimu sana kuwa na akili ya maisha kuliko ya darasani, Kwa sababu kama una akili tu ya darasani hauna akili ya maisha, hiyo ya darasani ina asilimia ndogo sana kuweza kukusaidia!

NB: Huwezi kufanikiwa ukiwa na akili za darasani pekee unahitaji akili za maisha, lakini inawezekana kufanikiwa ukiwa na akili za maisha bila kuwa na za darasani. AMKA!

Aina nyingine ni akili ya kiungu,

Hii ndo akili bora kuliko zote, akili hii hauzaliwi nayo, hauipati darasani wala mtaani (maisha ya kawaida) utapata kutoka kwa Mungu tu.!

Akili hii ni bora Kwa sababu ukiipata inauwezo wakubadilisha maisha yako muda wowote!

Habari hizi za akili ya kiungu utazipata zaidi ukisoma habari za Yusufu (Mwanzo 41:37-41) na Danieli 5:10-14).

�� Akili za kiungu

Zinapatikana kwa wewe ambaye ni mwana wa Mungu na ukimuomba kwa bidii akupatie anakupatia!

�� Ukimuomba Mungu Roho ya hekima, maarifa na ufahamu utaipata akili hii.

Roho ni nini?

Ni nafsi hai inayoifanya nafsi kuwa hai, kuna tofauti kati ya nafsi na nafsi hai, Nafsi haiitwi nafsi hai isipoungana na roho. Ukisoma mwanzo 2;7 neno linasema Akampulizia pumzi ya uhai; mtu akawa nafsi hai.

➡ Nafsi inaonekana lakini haiishi pasipo roho. Roho ni nafsi isiyoonekana lakini ni hai.

Kwa hiyo ukiitenga nafsi na roho nafsi hio haitobaki hai tutaizika, itarudi mavumbini.

���� Hapo tumezungumzia roho ya mwanadamu kuna aina mbalimbali za Roho ambazo pia ni muhimu kuzielewa na kuzitofautisha; Roho wa Mungu, Roho ya/za Mungu, na roho za shetani.

�� 1. ROHO MTAKATIFU (Roho WA  Mungu)

Huyu tunampokea kwa namna mbili, kila ujio una kazi tofauti;

1⃣ Uvuvio Wa Roho

Huyu tumempokea kutoka kwa Mungu mwenyewe kwa njia ya kuvuviwa, Yohana 20:21 naye akiisha kusema hayo, akawavuvia, akawaambia, Pokeeni Roho mtakatifu.

Tukimpokea hutuongoza dhamiri zetu katika kweli;

Warumi 9:1 nasema kweli katika Kristo, sisemi uongo dhamiri yangu ikinishuhudia katika Roho Mtakatifu.

Pia Yohana 16:8 anasema Naye akiisha kuja, huyo atauhakikishia ulimwengu kwa habari ya dhambi na haki na hukumu, Hutufundisha, kutukumbusha; Yohana 14:26

kutuongoza; Yohana 16:12

kwa kifupi kwa njia ya uvuvio Roho huja kama msaidizi.
���� Wote tumepata Neema ya kuvuviwa ingawe wengi hawajui, na kutokujua na kuamini Roho yuko ndani yake hupotea.
Wasiomtambua huyu dhamiri zao huwa dhaifu hivyo rahisi kunajisika.

2⃣ Kujazwa Roho

Ujio huu wa Roho Mtakatifu ni wa nguvu, Ambapo anapokujilia unasikia hali ya tofauti na unapokea nguvu. ukisoma Matendo 1:8 anasema.

"Lakini mtapokea nguvu Roho akishawajilia juu yenu".

Katika ujio huu Roho mtakatifu hushuka na nguvu zake naye huleta roho za Mungu na nguvu ama upako.

Mtu hujazwa Roho kwa kuwekewa mikono ama kuongozwa maombi ama kujitenga na kuomba kwa Mungu.

Huja na ishara mbalimbali mfano kunena kwa lugha mpya. Matendo 2:4

Kwa kifupi kwa njia ya kujazwa Roho huja kwa nguvu akiambatana na matendo ya Muujiza na roho za Mungu zinazotusaidia kuifanya kazi ya Bwana.

Kwa Neema Ya Mungu, Mungu Humvuvia Roho Wake Kila Amwaminiye Amfundishe, Amuongoze, Kumkumbusha,

Lakini Hii Haitoshi Neno La Mungu Linasema; *MTAKENI MUNGU NA NGUVU ZAKE Zaburi 105:4

⚡ Hivyo Unahitaji Ujazo Wa Roho Mtakatifu Katika Huduma Yako Ili Umtumikie Mungu Kwa Ujasiri Matendo 4:31

⚡ Unahitaji Ujazo Wa Roho Mtakatifu Ili Upokee Nguvu Itakayokuwezesha Kutumia Mamlaka; Kumkemea Mapepo, Kuombea Wangonjwa Na Matendo Yote Ya Miujiza N.K.

✅ ya kwanza ya somo hili la AKILI NA ROHO inaishia hapa, leo tumeweka msingi,

Mungu akipenda kwa sehemu inayofuata tutaingia ndani zaidi. Roho mtakatifu atakufundisha utaelewa zaidi endelea kufauatilia kuna namna Roho mtakatifu anataka kukuvusha.

���� Mungu akubariki sana!

Je, unapenda kufanikiwa kimaisha?

Mambo Matatu Ya Yuyaepuka Katika Safari Yako Ya Mafanikio

Kuna wakati umekuwa unajilaumu kwamba maisha yamekuwa ni magumu, wengine husema wamelogwa, wengine husemwa hawana bahati na meneno mengine kama hayo.  Hizo sababu zinginezo ni woga binafsi ambao kimsingi kama utaendelea kuzibeba basi kufanikiwa kwako itakuwa ni ngumu. Lakini ukweli ni kwamba adui  namba moja wa maisha yako ni wewe mwenyewe.

Na adui huyu ni mbaya sana, kwani hatima ya maisha yako unayo mwenyewe, kwanini ubaki kuwanyoshea vidole watu wengine? Na ili hali wewe ndo mmliki mkuu wa maaumuzi yako? Nilichogundua ni kwamba watu wengi tunashindwa kufanikiwa kwa sababu ya mambo haya;

1.Kusubiri mtu mwingine akufanyie maamuzi.
kama tulivyosema hapo awali ya kwamba maisha  yako yapo mikononi mwako kwanini uache mtu mwingine afanye maamuzi juu ya maisha yako? Najaribu kuwaza kwa sauti ila sipati majibu.

Nasema hivyo kwa sababu maisha yetu yanakuwa ya kawaida kwa sababu tunapenda kuwaruhusu watu wengine watoe maaumuzi katika kutenda jambo fulani. Lakini ukweli ni kwamba ukitaka kufanikiwa jaribu kutafakari juu ya maisha yako na uamue kutoa maaumuzi juu ya jambo hilo. Lakini pia baada ya kutafakari ni nini cha kufanya jambo la msingi ni kuhakikisha unapata mtu sahihi wa kukushauri ni nini ufanye katika jambo hilo ili uwe bora zaidi.

2. Kukata tamaa mapema.
Watu wengi sana huwa tunaathiriwa na ugonjwa huu wa ukataji tama mapema, na hii ni kwasababu wengi wengi wetu huwa tunapenda matokea ya papo kwa papo. Ila ukweli ni kwamba mafanikio ya papo kwa papo hakuna labda uamue kucheza bahati nasibu. Ila kama unataka matokeo ya uhakika na yenye kuleta mafanikio ya kweli unachokihitaji ni kuwa mvumilivu kwa kila hatua ambayo unapiga kila siku katika jambo ambalo unalolifanya.

Hivyo niweke nukta katika maelezo haya kwa kusema ya kwamba kuwa mvumilivu kila wakati. Kwani mvulivu hala mbivu, ila  kumbuka kuongeza hatua za kiutendeji ambazo zitakufanya uweze kusonga mbele na si kukata tamaa. Kwani kukata tamaa ni chukizo mbele za Mungu wetu.

3. Kuridhika mapema.
Kuridhika mapema ni adui mkubwa wa mafanikio yako, naomba hili libaki kichwani mwako. Mafanikio hayana ukomo, kila siku na kila wakati ona kabisa bado hujafanikiwa hata kama watu wanasema umefanikiwa. Usibweteke na hali uliyonayo. Daima kumbuka ya kwamba "Mafanikio ni njaa isiyoisha" hivyo kuridhika ni kurudi nyuma katika hali ya kiutendeji.

Nimalizie kwa kusema tena mafanikio hayana ukomo, hivyo achana na tabia ya kuridhika mapema.

Ijue jinsi ya kuroot simu yako!

ANDROID NI NINI..??

Android ni Mfumo wa simu (Operating System) ambao unaboreshwa siku hadi siku. Mfumo huu una majina tofauti kutegeana na toleo lake.

Haya ni Matoleo (Versions) mbalimbali ya Android kuanzia ya kwanza mpaka ya mwisho:

1. Cupcake (1.5)

2. Donut (1.6)

3. Éclair (2.0 – 2.1)

4. Froyo (2.2 – 2.2.3)

5. Gingerread (2.3 – 2.3.7)

6. Honeycomb (3.0 – 3.2.6)

7. Ice Cream Sandwich (4.0 – 4.0.4)

8. Jelly Bean (4.1 – 4.3.1)

9. KitKat (4.4 – 4.4.4)

10. Lollipop (5.0 – 5.1.1)

11. Marshmallow (6.0>>>>>>

Matoleo haya huboreshwa kadri yanavyozidi kutolewa. Kujua toleo la simu yako nenda;
Settings – About phone – Android Version. Ukikuta Jelly Bean, KitKat, marshmallow au Lollipop hongeara, kwani unatumia matoleo ya mwisho yalioboreshwa!!

Mfumo huu wa Android unafaa kufanyiwa settings mbalimbali na kuwekewa Program mbalimbali ili kumfanya mtumiaji aifurahie simu yake kwa asilimia 100, lakini shida huja kwamba sio kila PROGRAM inayowekwa katika mfumo huu wa Android inakubali kufanya kazi!!

Wapo watengenezaji wengi wa program (Software Designers) ulimwenguni, watengenezaji wa mfumo huu wa Android wamezuia Program ambazo hazijatoka kwao zisifanye kazi kwenye mfumo huo kwa sababu za kimaslahi.
HAPA SASA TUTAPATA KUELEWA MAANA YA KU ‘ROOT SIMU' kuwa ni kuifanya simu ikubali Programu zilizozuiwa na watengenezaji wa Android (Android Developers).

Ukishai ‘root’ simu yako sasa utakua na uwezo wa kuweka program zinazohitaji ‘root permission’ kwenye simu yako.

JINSI YA KU ‘ROOT’ SIMU YAKO.

Kuna aina za simu ni rahisi sana ku root, lakini nyingine zinahitaji utafiti wa kina na muda wa kutosha. Zipo program nyingi sana zinazoweza kutusaidia zoezi hili. Mojawapo ya Program ambazo zinajulikana sana kwa ku root simu ni kama vile:
1. KingRoot.

2. Vroot.

3. Kingoapp Root.

4. SRSRoot.

5. Framaroot.

6. Root Master.

7. z4root.

8. Universal root.

9. Iroot.

10. Easy root, nk.

Baadhi ya Program hizi zitahitaji Computer, nyingine hazihitaji.
Katika Makala hii tutaelekeza kwa simu kutumia Program iitwayo KingRoot ambayo inakubali kufanikisha zoezi hili kwenye asilimia kubwa ya simu za Android.

Program hii haihitaji Computer. Kuipata nenda Google kisha isearch na kui download. Kwa msaada uliza……

Maandalizi:

(i) Charge Simu yako, angalao ijae kwa 50%

(ii) Wezesha ‘’Developer Options” kwenye simu yako. Menu hii imefichwa kwa watumiaji wa kawaida. Sisi tunataka kutumia simu zetu kwa 100%.

Sasa kuifichua nenda Settings>About phone>Build number.

Baadhi ya simu (LG na HTC) nenda Settings>About phone>Software information>Build number.

Ukishafika kwenye Build number gusa hapo mara saba (tap 7 times)…mpaka uambiwe “You are now a Developer”

(iii) Sasa nenda Settings>Developer options>USB debugging. Weka tiki hapo (kama haipo)

(iv) Nenda settings>Security>Unknown Sources. Weka tiki hapo.

Hapo maandalizi yatakua ni tayari. Sasa download KingRoot 4.0 (or above) kwa kui search kwenye Google kisha Install kwenye simu yako. Baada ya ku install gusa ‘Open’. Baada ya hapo KingRoot itafunguka na itaitambua simu yako automatically—Model ya Simu na Toleo lake. (Mf. Model: H6 Android 4.4.2). Kama simu yako haijawahi kuwa rooted utaona ‘Root access is unavailable’.

Chini gusa ‘START ROOT’. Hapo KingRoot itakua inakomboa simu yako kutoka kwenye kifungo cha maisha…kuwa na subira zoezi hilo litachukua muda kidogo (sio Zaidi ya dak 6)…mpaka utakapoona ‘ROOT SUCCSSFULLT’ DONE!!!!! YOU ARE NOW A SUPERUSER…!!!!!

Ili kuhakikisha kama simu yako imeshakuwa rooted, nenda PlayStore kisha download Root Checker. Ukishai Install na kuifungua gusa ‘VERIFY ROOT’. Ukiona ‘’Congratulations! Root access is properly installed on this Device” HAPO KILA KITU TAYARI!!!!!

FAIDA ZA KU ROOT SIMU:

1. Utaweza ku update toleo la mfumo wa simu yako (Kuflash). Mfano kama unatomia Android 4.4.2 (KitKat) unaweza kui update kwenda Android 5.0 (Lollipop) Simu ya Android haiwezi kuflashiwa bila kuwa rooted!

2. Huwa inatokea simu kuibiwa. Wewe unaesoma Makala hii usiibe simu ya Android siku hizi (ukiokota mtafute mwenye nayo). Nitafute nikupe story!! Sasa zipo program nyingi za ku track simu yako wakati imeibiwa lakini nyingi huondoka kwenye System ya simu yako baada ya kufanyiwa ‘Factory reset’ au kuflashiwa. Kama ume root simu yako, zipo Program za kuitafuta simu yako ambazo hata mtuhumiwa aiflash au aireset….BADO ITAKUWEPO TU! Mfano wa Program hizo ni Cerberus.

3. Utakua na uwezo wa kuweka Program nyingi na nzuri za kuifanya simu yako iwe fasta na kuboresha muonekano (performance and appearance). Pia kuna program za kutunzia chaji, Kuzuia matangazo kutoka Google (mf. AdAway), n.k…. ambazo hazitafanya kazi bila root.

4. Utaweza kufuta chochote ktk simu yako! Mimi nimefuta hadi torch, kitu ambacho huwezi fanya km hujaroot simu yako!

5. Unaweza kuongeza RAM ktk simu yako!!!

TAHADHARI:
Rooting inaweza kuharibu kabisa simu yako na kuifanya isiwake tena!! (Mimi hapa sitahusika kwa lolote). Usiogope, hii huwatokea wale wanaokurupuka na kutofuata maelekezo. Mimi binafsi nishairoot simu yangu na za Marafiki zangu wasiopungua 20 bila madhara yoyote kutokea. Fanya utafiti kwanza ni program gani sahihi ku root simu yako, omba ushauri,…..

Pia Rooting inaharibu Warranty ya simu yako. Kama ulipewa Warranty uliponunua simu yako na ukaikuta na tatizo, ukiirudisha haitakubalika. Aidha, inawezekana pia ku’unroot’

MWISHO;

Kwa yeyote ambae ni mdadisi na mtafiti, anaependa kusaidiwa na Technologia, kuna ulazima wa kuroot simu yake. Baada ya Makala hii, wale woote ambao tutaenda sambamba tutaanza kupitia Programs nyingi ambazo zinahitaji ‘Root Permission’. Mie natumia Tecno L3 , baada ya kui root nimeifanyia Settings nyingi sana na ninaitumia katika mambo mengi sana!! ROOTING imeniwezesha hata kubadilisha muonekano wa maandishi system nzima.

Tembelea blog mara kwa mara ujifunze mengi!

Rudisha data zako ulizopoteza ktk simu yako!

Elisante blog, keep on reeding!

JE WEWE NI MUATHIRIKA WA KUPOTEZA DATA ZAKO KATIKA SIMU YAKO..??? 
EITHER ULIZIFUTA AU BAHATI MBAYA 

   Sasa ondoa shaka kabisa suluhisho limepatikana kupitia blog yetu hiiii sasa utaweza kurudisha data zako zote ikiwa ni sms mesenger au hata whatsapp kama inavyoonekana hapo.. 

     

 Vitu hivyo vyote unaweza ukavipata kama vilikupotea unachotakiwa kufanya ni kufuata hatua zifuatazo    

  Nenda play Store Katafute app inaitwa GT RECOVER KAMA unavoiona hapo chiniiii 

   Baada ya hapo sasa unachotakiwa kufanya ni kuchagua unataka kurecover nini na utapata vitu vyako vyoteee...  

 Sehemu ya kuchagua vitu vya kurudisha ipo kama ifuatavyo na wewe utachagua unachotaka kurudisha tyuuuu

Na hapo itakua umefikia hatua ya mwisho kabisaaa asante kwa kutembelea blog yetu endelea kushare kwa wenzako na kama utakua na tatizo tutakusaidia 

    NB: Your phone must be rooted!

Neno la Mungu by Mwakasege.

SEMINA YA NENO LA MUNGU  DODOMA.

NA MWL MWAKASEGE

FAHAMU YAFUATAYO KUHUSU NDOTO UNAZOOTA ILI UFANIKIWE KIMAISHA

TAR 3 APRIL 2017

Siku ya Pili

LENGO ni kuimarisha mahusiano yako na Mungu katika Kristo Yesu

Kuna mambo 2 ambayo yanaweza kutumika katika NDOTO

*JAMBO 1*
Shetani anaweza kutumia NDOTO kupandikiza mambo ambayo usipoyang'oa mapema yataharibu maisha yako

*JAMBO 2*
Kutazama ishara  zitakazo kuonyesha kuwa NDOTO zinahitaji kufuatiliwa

*ISHARA*
1. Kujisikia kufadhaika moyoni kwa ajili ya NDOTO uliyoota

Kufadhaika  maana yake ni mahangaiko unayoyapata  ndani ya Moyo wako( kuutibua moyo)

_Mwanzoni 41:1-8"...... 8. Hata asubuhi roho yake IKAFAIDHAIKA akapeleka watu kuwaita waganga wote wa misri ..._

⏩Usifanye kosa kudharau NDOTO yoyote utakayoota Ukasema kumbe ni ndoto tu,  inabidi kuifuatilia  _Mwanzo 41. 7 b"Basi Farao akaamka , *kumbe ni NDOTO tu*._

_Mwanzo 40:5-6 "Wakaota ndoto wote wawili, kila mtu ndoto yake usiku mmoja, kila mtu kwa tafsiri ya ndoto yake, mnyweshaji na mwokaji wa mfalme wa Misri waliofungwa gerezani. Yusufu akawajia asubuhi, akawaona *wamefadhaika*._

Yusufu aliwaona wote wawili mnyweshaji na mwokaji wote WAMEFADHAIKA

⏩Mfadhaiko huja kama alarm,maana ukishaitega alarm ikilia lazima ushtuke.

2. Kuota NDOTO hiyo zaidi ya Mara moja au inayofanana na hiyo
⏩Mwanzo 41:25-32
Mst 32"...  _*Na ndoto ya Farao kwa vile ilivyokuja mara mbili, ni kwa sababu neno hilo Mungu amelithibitisha, na Mungu atalitimiza upesi*_.

Unapoota Mara 2 au zaidi ni kukutaarifu unatakiwa kuifuatilia hiyo NDOTO
*Ayubu 33:14-15*
_Kwa kuwa Mungu hunena mara moja, *Naam, hata mara ya pili, ajapokuwa mtu hajali*. Katika ndoto, katika maono ya usiku, Usingizi mzito uwajiliapo watu, Katika usingizi kitandani;_

Usipoifuatilia ndipo Mungu huirudisha Mara ya 2 au zaidi hadi utakapopata ufahamu wakulifanyia kazi

⏩Jiulize kama Mungu katumia NDOTO kusema na wewe kwa nini iwe vigumu kuelewa maana yake

_Warumi10:17 Basi imani, chanzo chake ni kusikia; na kusikia huja kwa *neno la Kristo*._

Ukiwa na Neno LA Mungu lazima utaisikia sauti yake.

⏩Mfano ukiwa na gari ni vema kujua baadhi ya vitu ili likipata shida uweze kulitengeneza sio lazima kila kitu unapeleka garage. Vivyo hivyo kwa watumishi, sio lazima kila tatizo lako unalipeleka kwa watumishi mengine yatatue mwenyewe Yale unayoona huyawezi ndio yapeleke huko, unapotaka kumweleza *Mtumishi jambo lako sikiliza Amani Ya moyo wako kwanza*

3. Ndoto uliyoota kukutia hofu
Daniel 4:5 na Ayubu 4:12-14

_Nikaota ndoto iliyonitia *hofu*; mawazo niliyokuwa nayo kitandani mwangu, na njozi za kichwa changu, zikanifadhaisha._
*DAN. 4:5*

_Basi, nililetewa neno kwa siri, Sikio langu likasikia manong’ono yake. Katika mawazo yaliyotoka katika maono ya usiku, Hapo usingizi mzito uwaangukiapo wanadamu.  *Hofu* iliniangukia na kutetema, Iliyoitetemesha mifupa yangu yote._
*AYU. 4:12‭-‬14*

4. Ukiwa mambo uliyoota kwenye ndoto yanatokea katika mwili
Ayubu 4:12-16����

Mfano
⏩Ukiona umeota ndoto unakemea na ulivyoshtuka bado unakemea( fuatilia)

⏩Au ulikuwa unalia kwenye ndoto na umeamka unakuta macho yana machozi pia fuatilia

5. Ndoto kukunyima usingizi
Daniel 2:1
 
_Hata katika mwaka wa pili wa kumiliki kwake Nebukadreza, Nebukadreza aliota ndoto; na roho yake ikafadhaika, *usingizi wake ukamwacha*_. *DAN. 2:1*

6. Kwa na hamu ya kutaka kujua tafsiri ya hiyo ndoto
Mwanzo 40:7-8,41:7-8

_Akawauliza hao maakida wa Farao, waliokuwa pamoja naye katika kifungo, nyumbani mwa bwana wake, akisema, Mbona nyuso zenu zimekunjamana leo? Wakamwambia, Tumeota ndoto wala hapana awezaye kuifasiri. Yusufu akawaambia, Kufasiri si kazi ya Mungu? Tafadhalini mniambie.MWA. 40:7‭-‬8 SUV_

_Kisha hayo masuke membamba saba yakayala yale masuke saba makubwa yaliyojaa. Basi Farao akaamka, kumbe! Ni ndoto tu.   Hata asubuhi roho yake ikafadhaika; akapeleka watu kuwaita waganga wote wa Misri, na watu wote wenye hekima walioko. Farao akawahadithia ndoto yake, wala hakuna aliyeweza kumfasiria Farao mambo hayo.MWA. 41:7‭-‬8_

Mstr 8 - alitaka kujua ndoto ile ilimaanisha nini

⏩Ndoto ya Farao ilibeba maisha ya miaka 14 ya dunia nzima,kama angepuuzia sijui ingekuwaje kwa hiyo miaka 14. Kwa hiyo  ule msukumo aliokuwa nao ndio ulisaidia utafsiriwa

7. Ndoto uliyoota kukuletea mahangaiko moyoni mwako juu ya Imani na utumishi ulinao kwa Mungu

_Kukizuka katikati yako nabii, au mwotaji wa ndoto, akikutolea ishara au ajabu, ikatukia hiyo ishara au hiyo ajabu aliyokuambia akisema, Na tuifuate miungu mingine usiyoijua, tuitumikie hiyo; wewe usiyasikize maneno ya nabii yule, au yule mwotaji wa ndoto, kwa kuwa BWANA, Mungu wenu, yuawajaribu, apate kujua kwamba mwampenda BWANA, Mungu wenu, kwa mioyo yenu yote na roho zenu zote. Tembeeni kwa kumfuata BWANA, Mungu wenu; mcheni na kushika maagizo yake na kuisikia sauti yake, nanyi mtumikieni na kushikamana naye.KUM. 13:1‭-‬4_

⏩Usimwogope mtu Bali mwogope Mungu

⏩Usikubali jina au huduma yako ivume kuliko jina la Yesu

*Mfano*: Punda aliembeba Yesu alitembea juu ya nguo kwa sababu tu alikuwa kambeba Yesu lakini baada ya kumshusha Yesu alitembea chini kama kawaida. Dhamani uliyonayo ni kwa sababu unae Yesu ndani yako

8. Ukiona uliyoyaona kwenye ndoto yanapinga au ni tofauti ya mipango uliyonayo

Ayubu 33:14-17
_Kwa kuwa Mungu hunena mara moja, Naam, hata mara ya pili, ajapokuwa mtu hajali.   Katika ndoto, katika maono ya usiku, Usingizi mzito uwajiliapo watu, Katika usingizi kitandani;  Ndipo huyafunua masikio ya watu, Na kuyatia muhuri mafundisho yao,  Ili amwondoe mtu katika makusudio yake, Na kumfichia mtu kiburi;AYU. 33:14‭-‬17_

⏩unaweza kuota ili upangue kile kibaya ambacho kinaweza kutokea mbele,hivyo anapozungumza nawe anakusaidia usijeingia kwenye matatizo Fulani au kukuondoa katika mawazo uliyonayo

9. Kusikia msukumo moyoni wa kusimulia ndoto uliyoota
Mwanzo 37:5-11( Pale Yusuph alipowasimulia ndugu zake ndoto aliyoota)

Mathayo27:19  _Na alipokuwa ameketi juu ya kiti cha hukumu, mkewe alimpelekea mjumbe, kumwambia, *Usiwe na neno na yule mwenye haki; kwa sababu nimeteswa mengi leo katika ndoto kwa ajili yake*._

⏩Unaweza kuota ndoto kwa ajili ya mtu mwingine hivyo pale unapopata msukumo moyoni wa kumwambia we mweleze ila omba hekima, na kibali kutoka kwa  ROho Mtakatifu

10. Kusikia msukumo moyoni wa kuandika ndoto uliyoota

_Habakuki 2:2-3 BWANA akanijibu, akasema, *Iandike njozi ukaifanye iwe wazi sana katika vibao*, ili aisomaye apate kuisoma kama maji. Maana njozi hii bado ni kwa wakati ulioamriwa, inafanya haraka ili kuufikilia mwisho wake, wala haitasema uongo; ijapokawia, ingojee; kwa kuwa haina budi kuja, haitakawia.HAB. 2:2‭-‬3_

⏩Unaandika kwa sababu unaweza kuisahau asubuhi au kwa  ajili ya kufuatilia huko mbeleni

⏩Uwe unaandika ndoto zakusaidia baadae
Note:Kama huwa unasahau ndoto unazoota weka daftari na kalamu karibu ili unapoota tu uwe unaziandika na baadae iwe rahisi kuzifuatilia hatua kwa hatua.

11. Ukiwa umesahau ndoto uliyoota ila moyoni unajisikia msukumo wa kutaka kujua

Daniel 2:1-5
Baada ya Nebkadreza kusahau ndoto Daniel alienda kumweleza hiyo ndoto tena

⏩Ukiota ukasahau jitahidi kuifuatilia kwani ktk ulimwenngu wa roho imerekodiwa km ile ya Nebukadreza.

MAOMBI
⏩Toba kama kuna mojawapo ya ishara hizi 11 hukuzifuatilia( kwa kujua au kutojua) Mungu arudishe hizo
Ndoto ili aseme nasi tena haijalishi muda gani umepita

��������������
Bwana Yesu Asifiwe. Tunawakaribisha kwenye semina inayoendelea Dodoma mjini katika uwanja wa barafu. Semina imeanza jana tarehe 2 April itaendelea hadi jumapili tarehe 9 April.
Redio zinazorusha Semina inayoendelea Dodoma mjini ni;

1. Redio Sauti ya injili - 
Moshi, 92.2 FM
Arusha,96.1 FM.
Tanga 102.6FM  & 96.7 FM
Same 100.4 FM
Rombo 96.4 FM
Manyara 102.9 FM & 96.1FM
Morogoro 99.1 FM
Mara 96.1 FM
Unguja, Pemba na Mombasa 102.6 FM
Voi - Kenya 96.4 FM
Dodoma 102.9 FM
Pwani, Rufiji, Kiluvya, Tegeta, Ubungo, Manzese, Mbezi, na Ruaha  99.9 FM
Daraja la Mkapa (Lindi) 99.9 FM

2. Redio HHC Alive
Mwanza, Mara, Simiyu, Geita, Kagera, Shinyanga, - 91.9 FM.

3. Redio CG FM
Kigoma, Simiyu, Shinyanga, Tabora na Katavi 89.5 FM

4. Redio Baraka
Iringa, Njombe, Mbeya, Rukwa 107.6 FM

5. Radio Rungwe
Rukwa, Malawi,Mbeya na Njombe102.5 FM

6. Radio Info
Mtwara 92.1 FM

7. Redio Uzima
Dodoma 94.0 FM

8. Redio Bunda FM
Mwanza, Mara, Simiyu na Kagera 92.1 FM

9. Redio Mpanda FM
Katavi, Rukwa na Kigoma 97.0 FM

Unaweza kusikiliza live kupitia www.kicheko.com na www.mwakasege.org, unaweza kusikiliza na kuangalia  live kupitia www.ustream.tv/chanel/mwakasegemanaministry na www.youtube.com (jina la chanel ni Christopher Mwakasege)

Mungu awabariki sana wapendwa!

Maneno huumiza kuliko matendo!

"Siku moja usiku, nilipokuwa mtoto, nakumbuka kumwona mama yangu akituletea chakuka mezani nikiwa na baba. Mama aliniwekea sahani ya chapati laini, huku akimwekea baba sahani yenye chapati iliyoungua.

Nilijaribu kumtulizanishia macho baba ili kuona atafanyeje. Bila kuonesha tofauti, baba alianza kula chapati ile iliyoungua huku akiniuliza kuhusu maendeleo yangu shuleni.

Sikumbuki nilichomjibu. Ninachokumbuka, ni kumsikia mama akimtaka radhi baba kwa kuunguza chapati. Na kamwe sitasahau majibu ya baba pale alipomjibu mama kwa kumwambia, 'Oh, usijali mpenzi. Huwa napenda pia chapati za kuungua.'

Baadaye usiku huo, nilipokwenda kumbusu baba kwa ajili ya kumtakia usiku mwema, ndipo nilipomuuliza kama ni kweli hupendelea chapati za kuungua.

Alinikumbata mikoni mwake na kuniambia, 'Leo, mama yako alitingwa mno na majukumu ya kazini hata akawa amechoka sana, ndipo akaunguza chapati.

Lakini, kwa bahati, chapati iliyoungua haiwezi kumuumiza mtu kiasi cha kumchoma moyoni, walakini maneno makali yanaweza kumuumiza. Hivyo, sikuwa na sababu ya kumshutumu kwa maneno makali. Hata kama sipendi chapati za kuungua, ila kumjibu vile kumemfanya awe huru. Unajua maisha nayo hayako kamili kama tusivyo kamili sisi wanaadamu.

Kwahivyo, ili kudumisha furaha na kuboresha mahusiano na maelewano baina yetu, ni lazima tujifunze kuyakubali na kuyakabili mapungufu yetu - Chapati za kuungua hazidumu milele, zikishasagika tumboni utakwenda kuzitoa msalani. Lakini, maneno makali huacha majeraha ya kudumu.

Hama mtandao bila kubadili line yako ya simu!

MAMLAKA ya Mawasiliano Tanzania (TCRA), imezindua mpango maalum unaomuwezesha mteja kuhama mtandao mmoja wa simu kwenda mwingine bila kubadili namba ya simu, na kueleza hatua 13 za kufuata ili kupata huduma hiyo.

Mkurugenzi Mkuu wa TCRA, Mhandisi James Kilaba, akizungumza na wahariri na waandishi wa vyombo mbalimbali vya habari jana jijini Dar es Salaam, alisema huduma hiyo ni ya hiari na ili mtu aweze kuhama mtandao mmoja kwenda mwingine ni lazima afuate hatua 13.

Mhandisi wa Mawasiliano wa TCRA, Mwesigwa Felician, alitaja hatua ya kwanza ya kuhama mtandao mmoja wa simu kwenda mwingine kuwa ni kufika kituo cha mauzo au kwa wakala anayetambuliwa na mtoa huduma anakotaka kuhamia na kumueleza dhumuni lake.

Hatua ya pili, alisema Felician, ni kujaza fomu maalum ya maombi ya kuhamia mtandao aliotaka kuhamia.

Felician alitaja hatua ya tatu kuwa ni kujaza tamko la kukubali kuwa mteja anakubali kuwajibika kwa madeni yoyote ambayo yanatokana na huduma alizokuwa akipata kwa mtoa huduma wa awali kama yatakuwapo.

Felician alitaja hatua ya nne ni kuwa ni kuwasilisha kitambulisho chenye picha ambacho kinaweza kuwa cha taifa, kadi ya mpiga kura, leseni ya udereva, pasipoti au kitambulisho chochote rasmi kinachotambulika.

Alisema pia mteja anatakiwa kuwa na simu ya kiganjani inayofanya kazi yenye namba inayotakiwa kubaki baada ya kuhama mtandao.

Hatua ya tano, Felician alisema ni kuhamisha fedha zilizopo kwenye akaunti ya simu kabla ya kuhama ili kuepuka usumbufu.

Katika hatua ya sita, Felician alisema, mwenye namba ya simu atatakiwa kutuma ujumbe mfupi wa maneno wenye neno HAMA kwenda namba 15080 ambayo ni namba maalum ya kuhama.

Alisema katika hatua ya saba, mteja atapokea ujumbe mfupi wa maneno utakaomjulisha kuwa ombi lake limekubaliwa.

“Hatua ya nane, iwapo namba yako haikuzuiliwa au kusimamishwa kwa muda kutokana na kutokamilisha malipo ya madeni ya mtoa huduma wako wa awali, maombi yako yatashughulikiwa na utajulishwa kwa ujumbe mfupi wa maneno maendeleo ya mchakato huo,” alisema Felician.

KAMA KAWAIDA
Alisema katika hatua ya tisa, mtoa huduma za simu za kiganjani atampatia mteja wake mpya laini mpya ya simu.

Hatua ya 10, Felician alisema, ni kusitishwa kwa huduma za kifedha kwa muda mpaka namba ya mteja itakapohamishwa kwa mtoa huduma mpya. Kuanzia hapo mwenye namba atatumia huduma za kifedha za mtandao mpya kama huduma zipo.

Mhandisi wa Mawasiliano wa TCRA Felician alisema katika hatua ya 11, huduma za kupiga na kupokea simu na ujumbe mfupi wa maneno zitaendelea kama kawaida.

Alisema katika hatua ya 12, mteja atakuwa amehama mtandao mmoja kwenda mwingine na kama patakuwa na ucheleweshaji, ni wa saa kadhaa, lakini ndani ya siku mbili pekee.

“Wakati huo namba yako ya zamani itakuwa imehamishwa kwa mtoa huduma wako mpya na laini yako ya awali haitatumika tena na utapokea ujumbe mfupi wa maneno kuwa uhamaji umekamilika,” alisisitiza Felician.

Katika hatua ya 13, mteja atatakiwa kuweka laini yake aliyopewa kwenye simu na endapo elimu zaidi itahitajika, mteja atatakiwa kwenda kwa mtoa huduma kujua namna ya kutumia huduma hiyo mpya.

MASHARTI NA VIGEZO
Mbali na kuelezea hatua hizo za kujiunga, Felician alisema masharti na vigezo vitavingatiwa ambavyo alivitaja kuwa ni mteja kutoweza kuhama na namba iliyofungiwa au kusitishiwa huduma kwa walipaji wa kabla ya huduma.

Alisema pia mteja hataweza kuhama na salio lililopo na atatakiwa kutumia salio lake kwanza kabla ya kuhama kwani vinginevyo, litapotea.

Pia alisema mteja hataweza kuhama iwapo ana mkopo kutoka kwa mtoa huduma wa awali, mikopo mingine kwa njia ya muda wa maongezi na pesa mtandao.

Felician alisema pia mteja hataweza kuhama iwapo namba yake inahusishwa na uhalifu na imefungiwa.

Kwa wateja wanaotumia utaratibu wa malipo baada ya kutumia huduma, watatakiwa kulipa madeni ya matumizi yao kabla ya kuhama, alisema.

Wateja hao, watatakiwa pia kukamilisha masharti ya mkataba ya mtoa huduma wake na kutizama masharti ya malipo kila mwezi kwa mujibu wa mkataba kabla ya ku